ХАЛЫҚАРАЛЫҚ ҒЫЛЫМИ-ТӘЖІРИБЕЛІК КОНФЕРЕНЦИЯ ЖАЛҒАСУДА

Шымкент қалалық көзі көрмейтін және әлсіз көретін азаматтарға арналған арнайы кітапханасының 55 жылдығы қарсаңында ұйымдастырылған «Инклюзивті кітапханалар: тарих, жетістіктер, перспективалар» атты халықаралық ғылыми-тәжірибелік конференция екінші күні де жалғасын тапты. Айтулы жиынға келген қонақтар Шымкент қаласында орналасқан Арнайы кітапханаға эксурсия жасап тұрмыс тіршілігімен танысты. Сондай-ақ жергілікті ақын, Физули сыйлығының иегері Құрал Көмекпен тартымды кездесуге қатысты.

«Үміт» көздері нашар және әлсіз көретін балаларға арналған мектеп-интернатының қолөнер шебері ұстаз Назарова Анар шебердің оқушылары жасаған бұйымдарды және қос қолөнерші әрі суретші Амантаев Ербол және Жаканов Русланның макеттерінің көрмесін тамашалады.

Түрлі өнерге бай Шымкент қалалық кітапхана қызметкерлері ұсынған концертті көріп, әріптестермен шығармашылық тәжірибе алмасты.