«ҒҰМЫРЫН ҒЫЛЫМҒА АРНАҒАН ТҰЛҒА ТАҒЫЛЫМЫ» ТАҚЫРЫБЫНДА ЖЫЛЖЫМАЛЫ КӨРМЕ ӨТТІ

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен Жамбыл облыстық тарихи-өлкетану музей үйіне қарасты К.И. Скрябиннің музей қызметкері «Тифло-музей» жобасы аясында «Ғұмырын ғылымға арнаған тұлға тағылымы» тақырыпта №2 «Болашақ» арнайы мектеп-интернаты оқушыларына жылжымалы көрме өткізді.

Ғалым-академик Скрябиннің өмірі мен қызметі, ғалымның жұмыс жасаған өңірлері, гельмениттердің морфология, биология, филогения, жүйеленім, экология, эпизоотология және эпидемиялогиясын зерттегендігі туралы толығымен айтылып, сондай-ақ 200-ден астам гелменттердің жаңа түрін ашқандығы оның 120 туындысы зерттелгендігі туралы ақпараттар берілді. Көрмеге академиктің 20 экспонат қойылды.

Көрме соңында ғалымның түрлі туындылары мен энциклопедиялары ұсынылып, қолжазбалары мен мөрлері оқушылардың қолдарына ұстап-сипап, сезінуге мүмкіндік беріліп, лабороториялық жұмыстары толығымен таныстырылды.