”ҒАЛАМТОР ЖӘНЕ КІТАП” СҰХБАТ ЖҮРГІЗІЛДІ

Жамбыл облыстық көзі көрмейтін және әлсіз көретін азаматтар кітапханасы «BOOK FM» жобасы аясында отбасылық кітап оқу дәстүрін жаңғырту мақсатында «JAMBYL» радиосында айтыс ақындары мен жыршы-термешілер орталығының ғылыми қызметкері, айтыскер ақын Дидар Апбасовпен «Ғаламтор және Кітап» тақырыбында сұхбат жүргізілді.

Кітап оқитын қоғам — ой еңбегін бағалайтын қоғам. Ал мұндай қоғам қай кезде де оқ бойы озық тұрады. «Біз қалай оқырмандар қоғамына айнала аламыз?», «Қазір кітаптан ғаламтор озған кезең бе?», осы сынды кітап төңірегіндегі сұрақтарға жас айтыскер өз ойын білдірді.

Сонымен қатар, көзі ашық, көкірегі ояу әрбір адам үшін кітап – әрқашан құнды дүние екенін баса айтып, радио тыңдармандарын кітап оқуға шақырды.