«ҰЛТ МҮДДЕСІН ҚОРҒАҒАН ҚОҒАМ ҚАЙРАТКЕРІ» АТТЫ АҚПАРАТТЫҚ САҒАТ

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен қоғам қайраткері Нұртас Оңдасынұлының 120 жылдығына орай «Ұлт мүддесін қорғаған қоғам қайраткері» атты ақпараттық сағат өткізді. Аталған іс-шараға «Қазақ соқырлар қоғамы» мүшелері қатысты.

Ақпараттық сағат барысында тілші-ғалымның «Нар тұлға» атты қысқаша бейнеролик ұсынылып, белгілі тұлғаның өмір деректері баяндалды.

Сондай-ақ, Қазақстан үкіметін 13 жыл басқарған тұлғаның шалғай аудандарда мұғалімдер даярлайтын курстар, училеще, облыс орталықтарында мұғалімдер институтын ашқандығы айтылып, араб-қазақ, парсы-қазақ түсініктеме сөздіктерінің авторы екендігі жайлы сыр шертілді.