№2 “БОЛАШАҚ” АРНАЙЫ МЕКТЕП-ИНТЕРНАТЫНДА “МОБИЛЬДІ КІТАПХАНА” ТАНЫСТЫРЫЛДЫ

Жамбыл облыстық көзі көрмейтін және әлсіз көретін азаматтар кітапханасы №2 «Болашақ» арнайы мектеп-интернатында «Мобильді кітапхана» жобасын таныстырды.

Бұл бастама Мемлекет басшысы Қасым-Жомарт Тоқаев 2025 жылғы 28 қаңтарда ратификациялаған Марракеш шарты аясында жүзеге асырылды. Жоба облыс әкімі Ербол Қарашөкеевтің «Әулиеата – кітап оқитын өңір» акциясы аясында қолға алынып, көру қабілеті шектеулі азаматтардың электронды кітапханаларға қолжетімділігін арттыруды көздейді.