«ТИФЛО-МУЗЕЙ» ЖОБАСЫ АЯСЫНДА «БАТЫР ТУСА-ЕЛ ЫРЫСЫ» ТАҚЫРЫБЫНДА ЭТНОГРАФИЯЛЫҚ КӨРМЕ ӨТТІ ​

Көру қабілеті шектеулі жандардың мәдени және тарихи мұралармен толыққанды танысуына мүмкіндік беріп, музейде орналасқан көне жәдігерлерге еркін қол жеткізуге жағдай жасау мақсатында Жамбыл облыстық көзі көрмейтін және әлсіз көретін азаматтар кітапханасы мен «Байзақ аудандық тарихи-өлкетану музейі» бірлесе ұйымдастыруымен «Тифло-музей» жобасы аясында «Қолыңмен ұстап, жүрекпен сезін!» атты тарихи танымдық бұрышы бойынша «Батыр туса ел ырысы» тақырыбында QR-кодты толықтыру шарасы өтті.

​Шара барысында зағип оқырмандарға ХІХ-ХХ ғасырлардағы тұрмыста қолданыста болған бесік, қамшы, түлкі терісі, қолдан тоқылған кілем, т.б үй жағдайында қолданылған көне этнографиялық заттардан көрме ұсынылып, жалпы саны- 20 QR-код қойылған жәдігерлерімен толықтырылды.
​
Шара соңында заманауи үлгідегі QR-код қойылған экспонаттардың кодын смартфонға енгізу арқылы оқырмандарға ұсынылған жәдігерлер тарихы кеңінен насихатталды.