1 СӘУІР ДҮНИЕЖҮЗІЛІК КҮЛКІ КҮНІНЕ АРНАЛҒАН «ӘЗІЛ MAN» КӨҢІЛДІ ТАПҚЫРЛАР КЕШІ ӨТТІ

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен 1 сәуір Дүниежүзілік күлкі күніне арналған «Әзіл MAN» көңілді тапқырлар кешін өткізді. Ондағы мақсат Зағип оқырмандардың өмір сапасын арттырып, көңіл-күйін көтеру. Күлкі және жымиюдың адам өміріндегі қажеттілігін түсіндіру болып табылады.

Қалалық жайдарманшылар клубы және Жастар ресурстық орталығының мүшелері, мектепаралық жайдарманшылар клубының әзілқой жастары кітапхана оқырмандары мен «Қазақ Соқырлар Қоғамы» Жамбыл облыстық филиалының зағиптарына арнап әзілден құралған стендап орындап өнер көрсетті. №8 гимназияның мектепаралық «Forbes», «Ирис» командалары, Тараз өңірлік университетінің «Әуесқой» жайдарман клубы қатысты.

Көңілді тапқырлар кешінде оқырмандар мен ТарГу “Педагогика және әлеуметтік ғылымдар” факультетінің студенттері арасында викториналық сұрақтар бойынша ойын ойнатып, «Әзілді жалғастыр» тақырыбында жарыс ұйымдастырды.