БІР ОТБАСЫ-БІР КІТАП

Жамбыл облыстық көзі көрмейтін және әлсіз көретін азаматтар кітапханасы «Әулиеата – кітап оқитын өңір» жылы аясында «BOOK FM» жобасының жоспарына сәйкес отбасылық кітап оқу дәстүрін жаңғырту мақсатында «JAMBYL» радиосында Жамбыл облысы Меркі ауданы орталықтандырылған кітапхананың мүмкіндігі шектеулі жандарға арналған бөлімінің кітапханашысы Ниссонова Мариямен «Бір отбасы – бір кітап» тақырыбында сұхбат жүргізілді.

Сұхбат барысында радио қонағы бүгінгі күнге дейін 100 – ге тарта нүктелі – бедерлі қарпіндегі оқыған әдебиеттері турасында ой өрбітіп, қызықты шығармалары мен бөлісті. Мәселен Сайын Мұратбеков «Жабайы алма», Ілияс Есенберлиннің «Көшпенділер», кітаптарын атап өтті. Сонымен қатар, ата-анасы кітапты көп оқитын баланың да оқуға деген қызығушылығы тез оянатынын жеткізіп, әрбір үйде бірнеше кітап қорынан тұра¬тын кітапхана болғаны дұрыс деп қорытындылады.