«ДІН-ТӘРБИЕ ДІҢГЕГІ» ДӨҢГЕЛЕК ҮСТЕЛ ӨТТІ

Жамбыл облыстық көзі көрмейтін және әлсіз көретін азаматтар кітапханасы «Қазақ соқырлар қоғамы» мүшелерінің қатысуымен зағип оқырмандарға дін жөніндегі түсінік қалыптастыру мақсатында «Дін – тәрбие діңгегі» дөңгелек үстел ұйымдастырды.

​Аталған шараға «Дін проблемаларын зерттеу орталығы» КММ «Ақпараттық түсіндіру» бөлімінің басшысы Қалдыбекова Жанна Садуақасқызы қатысты. Білікті маман әлемдік діндер ішінде кең таралған діндер мен елде белең алған діни қоғамдық бірлестіктер турасында баяндап берді. Сонымен қатар, жастардың заманға сай білімін жетілдірумен қатар имандылық, тәрбие жөнінде сөз қозғап, жиналған оқырмандардың сұрақтарына тиісті жауаптар айтты.

​Дөңгелек үстел соңында кітапхана қызметкерлері «Дін-тәрбие бастауы» атты кітап көрмеге библиографиялық шолу жасады.