ХАЛЫҚАРАЛЫҚ МҮГЕДЕКТЕР КҮНІНЕ ОРАЙ ЖЫЛЖЫМАЛЫ КӨРМЕ ҰЙЫМДАСТЫРЫЛДЫ

Жамбыл облыстық көзі көрмейтін және әлсіз көретін азаматтар кітапханасы мен «Жамбыл облыстық тарихи-өлкетану музейімен» бірлесе отырып, көру мүмкіндігі шектеулі азаматтарды қоғамдық ортаға бейімдеуге, музей қорындағы тарихи экспозицияларды кеңінен насихаттап, оқырмандардың танымдық белсенділіктерін арттыру мақсатында «Тифломузей» жобасы аясында 9 қазан Халықаралық мүгедектер күніне орай жылжымалы көрме «Қазақ соқырлар қоғамы» мүшелеріне өткізілді.

Көрме барысында музей қорында сақталған бірегей археологиялық ортағасырлық қыш ыдыстар, «Айша бибі» кесенесіндегі түпнұсқадағы кірпіштер, ХІХ ғасырдағы музыкалық аспаптар (Каманча), домбыра сондай-ақ Жамбыл облысының киелі жерлері саналатын кесенелер макеттері, ортағасырлық қыш құмыралар, соғды пішіндегі құмыралар жасақталды.