КӨРКЕМ СӨЗДІҢ КӨРНЕКТІ ШЕБЕРІ

Арнайы кітапхана Қазақстанның халық жазушысы, драматург, сыншы, Қазақстанның еңбек сіңірген қайраткері Сәбит Досановтың туғанына 85 жыл толуына орай «Көркем сөздің көрнекті шебері» тұлғатану шарасын Қазақ соқырлар қоғамы мүшелерімен өткізді.

Шара барысында жазушының өмірі мен шығармашылығынан сыр шертетін мәліметтер беріліп, зағип оқырмандарға «Тау тұлға Сәбит Досанов» атты бейнебаян көрсетіліп, жазушының өмір жолына арналған сұрақтармен «Әдеби лото» ойыны ойнатылып, «Туған жер», «Ауылым» әндері орындалды.

Шара соңында «Қазақ әдебиетінің кемеңгері» кітап көрмесі ұйымдастырылып, пікір алмасып, өз алғыстарын білдірді.