КІТАПХАНАШЫЛАР ТРЕНИНГКЕ ҚАТЫСТЫ

Жамбыл облыстық көзі көрмейтін және әлсіз көретін азаматтар кітапханасы Ш. Уәлиханов атындағы Жамбыл облыстық әмбебап ғылыми кітапханасының ұйымдастыруымен өткен «Кітапхана және өңірдің мәдени кеңістігі» атты кітапханалық конвент барысында Тұрар Рысқұлов атындағы аудандық музейде кітапхана қызметкерлері мен оқырмандар арасында тренинг өткізді.

Тренинг барысында кітапханада атқарылып жатқан жобалар аясында ақпарат беріліп, ватсап желісіндегі «кітапхана оқырмандары» чаты турасында тәжірибелермен алмасты. Сонымен қатар, Брайль қарпіндегі кітаптар мен аудио үнтаспаларға шолу жасалып, жаңа тактильді макеттермен таныстырылды.