«НАУРЫЗЫМ – МЕРЕКЕМ, НАУРЫЗЫМ – БЕРЕКЕМ»

21 наурыз – Ынтымақ күні Жамбыл облыстық көзі көрмейтін және әлсіз көретін азаматтар кітапханасы №2 «Болашақ» мектеп-интернатымен бірлесе «Наурызым – мерекем, Наурызым – берекем» атты мерекелік кеш ұйымдастырды.

Мерекелік іс -шара барысында №2 «Болашақ» мектеп-интернатының оқушылары мен ұстаздары ұлттық салт-дәстүрлерді жаңғырту үшін,қысқаша мазмұнды көріністер қойып, қазақтың ұлттық аспаптарында өнер көрсетті. Жаңа туған нәрестенің есімін қою дәстүрінен, бесікке салу рәсімінен теңге ілу тәрізді ұлттық дәстүрлер жаңғыртылды.