«ШОҚ ТІЛДІ ШОНА» АТТЫ ӘДЕБИ ЛОТО ӨТТІ

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен Қазақ сатирасының саңлағы, Шона Смаханұлының туғанына 100 жыл толуына орай «Қазақ соқырлар қоғамы» мүшелерінің қатысуымен «Шоқ тілді Шона» атты әдеби лото өтті.

Лото барысында зағип азаматтарға қазақ сатиригінің өмір жолы мен шығармашылығынан сыр шертіліп «Анамның тілі» атты әні орындалып, «Қойыртпақ», т.б сықақ өлеңдері оқылды. Сонымен қатар «Шонаны таптым — шындықты таптым» атты ақпараттық ой қозғайтын танымдық ойындар жүргізілді.

Шара соңында оқырмандарға «Жылы жүрек» сергіту сәті өтіп, арнайы кітапхана қорына келіп түскен Ерман Әбиевтің «Шоқ тілді Шона» атты мақала,естеліктер,зерттеулер жинағымен танысты.