«ТАРЛАН, ТАЛАНТ ТАҒДЫРЫ» ПОРТРЕТТІК КЕШ ӨТТІ

​Жамбыл облыстық көзі көрмейтін және әлсіз көретін азаматтар кітапханасының ұйымдастыруымен көру мүмкіндігі шектеулі азаматтарды қоғамдық ортаға бейімдеуге, танымдық белсенділіктерін арттыру мақсатында «Әулиеата-кітап оқитын өңір» кітап оқу акциясы аясында қазақты тарихымен қауыштырған қаламгер, Мемлекеттік сыйлықтың лауреаты Ілияс Есенберлиннің туғанына 110 жыл толуына орай «Тарлан, талант тағдыры» портреттік кеш ұйымдастырды.

​Шараға М.Х.Дулати атындағы Тараз өңірлік университетінің профессоры Көпбаева Меруерт Рахымбайқызы мен доцент Нусупова Асима Жеңісбекқызы, сондай-ақ №10 орта мектебінің мұғалімі – Абитова Мереке Нұртазақызы қатысып, жазушы шығармасы турасында сыр шертті.

Кеш барысында жазушының шығармашылық жолы мен шоқтығы биік шығармаларының сан қырлары таныстырылып, қаламгердің «Айша» брайль қарпіндегі бедерлі-нүктелі қарпіндегі кітабының тұсау кесер рәсімі өтті.