ЗАҒИП ОҚУШЫЛАРҒА АРНАЙЫ ЖЫЛЖЫМАЛЫ КӨРМЕ ЖАСАҚТАЛДЫ

Жамбыл облыстық көзі көрмейтін және әлсіз көретін азаматтар кітапханасы мен Жамбыл облыстық тарихи-өлкетану музейімен бірлесе отырып, көру мүмкіндігі шектеулі азаматтарды қоғамдық ортаға бейімдеуге, музей қорындағы тарихи экспозицияларын кеңінен насихаттап, оқушылардың танымдық белсенділіктерін арттыру мақсатында «Тифло-музей» жобасы аясында «Музей-ел шежіресі» жылжымалы көрмесі ұйымдастырылды. Аталған көрме №2 «Болашақ» арнайы мектеп-интернаты оқушыларымен өткізілді.

Көрме барысында оқушыларға өлкеміздің тарихи құнды экспонаттары Айша бибі кірпіші, хум, каманча, қола дәуірінің қыш құмыралары, төрт пілтелі қола шырағдандар, су сағаты, су құбыры, сырлы бояумен боялған тостақ, киіз үй пішінді шырағдан, қыш шырағдандар, қасқыр басты қола күпшек, қыш құмыралар, мойны созылған қыш құмыралар, түбектер, аспалы шамдарды қолымен ұстап, сипап сезініп білуге мүмкіндік алды. Көрмеге 21 тарихи жәдігер қойылды.