ЗАҒИП ОҚУШЫЛАР ЖАҢА ЖЫЛДЫҚ ШЫРШАҒА ҚАТЫСТЫ

Арнайы кітапхана мен Асқар Тоқпанов атындағы Жамбыл облыстық қазақ драма театры бірлесе жаңа жылдық мерекеге орай «№2 Болашақ арнайы мектеп интернатының» оқушылары мен «Қазақ соқырлар қоғамы» мүшелерінің балаларына «Бұғы мен қасқыр» ертегісі желісінде қойылымын көрсетті. Сондай-ақ, «Жаңа жыл, жаңа бақыт, жаңа қадам» жасөспірімдерге арналған думанды бағдарламасын ұсынды. Оқиға желісі бойынша Жаңа жылдық мерекенің негізгі кейіпкері болып саналатын – аяз ата мен ақшақар балалардың ғажайыпқа деген сенімдерін оятып, армандарының орындалуына қадам жасап, арнайы кітапхана тарапынан 11 оқырманға жаңа жылдық сыйлықтар табысталды.

Мерекелік шара соңында балалар кеш кейіпкерлерімен бірге естелік суретке түсіп, көтеріңкі көңіл-күймен тарқасты.