ҰЛТАРАЛЫҚ ДОСТЫҚ ДӘРІПТЕЛДІ

Жамбыл облыстық көзі көрмейтін және әлсіз көретін азаматтар кітапханасының ұйымдастыруымен 1 мамыр – Қазақстан халқының
бірлігі күніне орай «Бейбітшілік – ел тілегі» атты ұлтаралық байқау өтті.

Болашақ ұрпақты ынтымақтыққа, достыққа, өз Отанын сүюге, қорғауға тәрбиелеу, жас ұрпаққа біздің елімізде тұрып жатқан басқа да
халықтардың озық мәдениетін, өзіндік үлгі-өнегесін, тілін, дінін біле отырып, өзге ұлттың рухани байлығын сыйлауға, құрметтеуге тәрбиелеуді мақсат тұтқан сайысқа №2 «Болашақ» арнайы мектеп-интернаты оқушыларының арасынан қазақ, орыс, әзірбайжан, украин сынды 4 ұлт өкілі қатысты.

Сайыс төрт кезеңнен тұрды. Нақты айтқанда, қатысушылар таныстыру, салт-дәстүр, мақалмәтел, өзге мемлекеттердің туын табу және өз өнерлерін ортаға салу бойынша бақ сынады. Байқау нәтижесінде, қазылар алқасының шешімімен І дәрежелі дипломмен Айсана Сағындық , ІІ дәрежелі дипломмен Данил Свердюк, ІІІ дәрежелі дипломмен Евгений Садаев марапатталды. Сондайақ Лора Ахмедова арнайы Алғыс хатқа ие болды.

Аман Есен Ұлтаралық достық дәріптелді

 Жамбыл -Тараз- 2024.- 1 мамыр (№34)- 2 бет