Атақты айтқыштар Шайхыұлы Е

Белгілі сатирик-жазушы Ермахан Шайхыұлының қолыңызға тиген бұл кітабына атының өзі айтып тұрғандай, қазақтың қабырғалы қаламгерлері Тайыр Жароков, Мұқағали Мақатаев, Мұзафар Әлімбаев, Ғафу Қайырбековтерден бастап, әйгілі әртістердің, әдебиет пен өнердегі әріптестерінің, тіпті сонау ауылдағы айтқыштар мен кішкентай айтқыштардың да қауып емес, тауып айтқан, қисынын келтіріп, келістіре айтқан әзіл-қалжыңдары топтастырылған. Бұл туындылардың барлығы кезінде «Айқын» газетінің «№5 жатақхана» қосымшасында жарық көрген. Жинақтың тілі жатық. Жеңіл оқылады. Оқырманға берер тәлімтәрбиесі мол. Кітап көпшілік оқырман қауымға арналған.